Transcription
1
Reçue à Grenoble, le 30 janvier 1573. Répondue le 30 janvier 1573.
2
Monsieur de Gordes, estant hier sur mon partement pour men venir de
3
Montpellier en ceste ville, je receuz votre lettre du XIe du present, ayant esté
4
bien aise davoir entendu de voz nouvelles et masseure que depuis votredite
5
lettre escripte vous aurez eu des myennes par deux ou trois foys qui nestoient
6
pour autres effet que pour vous prier faire tenir les deux compaignyes que
7
sa magesté a ordonnées estre levées dans votre gouvernement prestes à
8
marcher lors que je le vous manderois. Or ayant du tout resollu
9
de ne perdre plus de temps, je vous prie donner ordre de les me
10
envoyer le plutost que vous pourrez, pour le moings quelles soient dans
11
le XVme du prochain dedeça, auquel temps je faictz estat avoir
12
mon artillerye et toutes mes forces prestes. Quand pour leur payement
13
que vous me mandez vous envoyer lestat semblable pour la levée des
14
deniers et les faire payer comme celles que jay faict lever dedeça,
15
je vous en envoye lestat cy encloz comme vous verrez. Mais
16
je suis bien dadvys que vous ne les faictes poinct payer, ains
17
seullement le faire faire ung prest pour leur donner moyen de se
18
rendre dedeça, car y estant par mesme moyen que je feray faire
19
monstre aux autres compaignyes que je y ay, je la leur feray
20
faire et leur sera faict leur payement par celluy que vous depputterez
21
du pays qui se chargera et rendera comptable des deniers. Car
22
si vous leur faictes faire monstre et payer auparavant quilz partent,
23
il y en aura la moictyé sachemynant en ces quartiers qui se
24
pourroient desbander. Aussi pour ce que je pourray avoir affaire
25
aux occasions qui se presenteront pour le service du roy de la compaignye
26
de gensdarmes de monsieur de Maugiron, je luy escriptz ou à celluy
27
qui commande en son absence, de se tenir prest avec toute ladite compaignye
28
pour marcher lors que je la manderay et sera bon, affin quelle soit
29
plus proche de ces quartiers, que vous la faictes approcher à Pierre
30
latte ou autre lieu que vous adviserez près dycy pour se rendre au
31
[106 v°] plustost prez de moy quand jen auray besoing, dont vous
32
madvertirez de ce que vous en aurez faict sil vous plaist.
33
Presentement je viens davoir nouvelles que hier au soir à une heure
34
de nuict, ceulx qui estoyent dans le château de Caulvisson se sont renduz
35
et estoyent bien quatre vingt cinq soldatz qui se sont faict et rooller
36
aux compaignyes nouvelles[ ?] soubz divers cappitaines. Deux jours auparavant
37le cappitaine estoyt sorty avec cinq soldatz seullement et [barré : au ] estoient
38
descenduz par la muraille avec une corde. Je vous prometz bien
39
quilz ont fort bien faict de se resouldre de bonne heure, car s’ils
40
eussent attendu daventaige, ilz eussent esté bien chastiez et comme
41
rebelles. Je faictz estat de poursuivre à faire nettoyer la campagne
42
et aussi de faire marcher deux ou trois pieces dartillerie pour quelzques
43
chateaulx quilz tiennent là ez environs, en attendant que toutes
44
mes forces sassembleront qui sera comme je vous escriptz dans
45
le XVme du prochain au plustart. Au moyen dequoy, je vous
46
prie de votre costé donner ordre que lesdites deux compaignies
47
me soient envoyées au plustart dans ce temps là et le plustost
48
se seroit le meilleur. Qui est tout ce que je vous peux mander
49
en ceste endroict, me recommandant bien affectueusement et
50
de bon cueur à voz bonnes graces, je supplieray le Createur,
51
Monsieur de Gordes, vous donner en santé, bonne contante vie.
52
De Lunel, le XXIe jour de janvier 1573.
53
Votre plus affectionné, parfaict et entierement
54
meilleur amy H de Montmorancy